Reserved comments (വിയോജനക്കുറിപ്പുകള്)
ഞാന് താങ്കളുടെ അഭിപ്രായത്തോട് പൂര്ണമായി വിയോജിക്കുന്നു എന്ന് ഭംഗ്യന്തരേണ പറയാന് ഇംഗ്ലീഷുകാര് ഉപയോഗിക്കുന്നഒരു ശൈലിയാണത്രേ ഐ റിസര്വ് മൈ കമന്റ് എന്നത്. അപരന്റെ അഭിപ്രായങ്ങള് തീരെപിടിക്കാതാവുമ്പോള് പണ്ട് മാന്യന്മാര് പറഞ്ഞിരുന്ന “ഞാനിപ്പൊ ഒന്നും പറീണില്ല” എന്നപ്രയോഗവും ഇതുപോലെത്തന്നെ...
Tuesday, March 3, 2020
മഴയുടെ സങ്കീർത്തനം
Monday, January 7, 2019
കൂടു പണിയുന്നവരോട്
വലിയൊരു വീടിന്റെ ചിത്രം അതിനു മുന്നിൽ നിൽക്കുന്ന ദമ്പതികൾ ചിത്രത്തിന്റെ കാപ്ഷൻ ഞങ്ങൾ പണിത് കൂട്....
കണ്ടപ്പോൾ എനിക്ക് തോന്നിയ അപേക്ഷയാണിത് സഹോദരന്മാരേ ദയവുചെയ്ത് കൂടു പണിയുന്ന കിളികളെ അപമാനിക്കരുത്.....
നിങ്ങൾക്ക് എത്ര വലിയ വീടും പണിയാം ....
അത് നിങ്ങളുടെ സ്വാതന്ത്ര്യമാണ്. നേരായ മാർഗ്ഗത്തിൽ സമ്പാദിച്ച ധനമുണ്ടെങ്കിൽ വിശാലമായ വീടൊക്കെ ആവാം. അല്ലെങ്കിൽ ഇതൊന്നും ബാധകവുമല്ല. നിങ്ങൾ വലിയ വീട് പണിയുന്നതിന്ന് ആരും എതിരല്ല. പക്ഷേ ഒരെളിയ അപേക്ഷയുണ്ട് കൊട്ടാര സമാനമായ വീട് പണിതിട്ട് അതിനെ ഫേസ് ബുക്കിൽ പോസ്റ്റ് ചെയ്ത് എന്റെ കൂട് എന്നൊക്കെ പറഞ്ഞ് മിണ്ടാ പ്രാണികളെ അപമാനിക്കരുത്. കാരണം ഒരു ജീവിയും അവയുടെ ആവശ്യത്തിൽ കവിഞ്ഞ കൂട് പണിയുകയില്ല...
സർവ്വേശ്വരന്റെ തൃപ്തിയാണ് ആഗ്രഹിക്കുന്നതെങ്കിൽ അവന്റെ പ്രവാചകൻ പറഞ്ഞത് ഓർക്കുക. മൂന്നാളുള്ള വീട്ടിലെ നാലാമത്തെ മുറി അതിഥിക്കുള്ളതാണ് അഞ്ചാമത്തേത് പിശാചിനും. പിന്നെ മറ്റൊരു കാര്യം എത്ര മുറിയുള്ള വീട്പണിതാലും അതിലൊരു മുറിയേ ഒരാൾഉപയോഗിക്കൂ. എത്ര വലിയ മുറിയാണെങ്കിലും അതിലിട്ട ഒരു കട്ടിലിലേ അയാൾ അന്തിയുറങ്ങൂ. എത്ര വീതിയുള്ള കട്ടിലാണെങ്കിലും അതിൽ കഷ്ടി രണ്ടടി വീതിയേ അയാൾ ഉപയോഗിക്കൂ...
മഴയിൽ നിന്നും വെയിലിൽ നിന്നും തന്നെയും തന്റെ ഇണയേയും മക്കളേയും രക്ഷപ്പെടുത്താൻ ഓവു പാലങ്ങളിൽ അഭയാം പ്രാപിക്കുന്നവരും നമ്മെ പടച്ചവന്റെ സൃഷ്ടികൾ തന്നെയാണ്.
Tuesday, November 19, 2013
ഹദീസ് നിഷേധികളുടെ വഴി
Wednesday, August 21, 2013
റിസര്വ്ഡ് കമെന്റ്സ്
Thursday, December 8, 2011
മനുഷ്യരുടെ സ്വാര്ത്ഥതയും അഹങ്കാരവും അണപൊട്ടുമ്പോള്
മുല്ലപ്പെരിയാറിന്റെ സ്ഥിതി കേള്ക്കുമ്പോള്, മലയാളിയെയും തമിഴനേയും നയിക്കുന്നവര്, വിവേവകത്തോടെ ഒത്തൊരുമയോടെ, അവധാനപൂര്വം ചര്ച്ച ചെയ്തു പരിഹരിക്കേണ്ട പ്രശ്നത്തിനുമേല് കാട്ടിക്കൂട്ടുന്ന രാഷ്ട്രീയ മുതലെടുപ്പുകള് കാണുമ്പോള് സത്യമായിട്ടും എനിക്കു വല്ലാതെ പേടിയാകുന്നൂ.
Wednesday, November 2, 2011
കഅബ ചുറ്റുന്നവര് അല്ലെങ്കില് വായനക്കാരെ ചുറ്റിക്കുന്നവര്
നവമ്പര് രണ്ടാം തിയ്യതിയിലെ മാതൃ ഭൂമിപത്രത്തില് ഇസ്ലാം മത വിശ്വാസികള് കഅബ പ്രദക്ഷിണം വെക്കുന്നതിന്റെ ചിത്രത്തിന്ന് കൊടുത്തിരിക്കുന്ന അടിക്കുറിപ്പുനോക്കുക. കഅബ ചുറ്റുന്ന വിശ്വാസികളാണത്രേ..കഅബ വലം വെക്കുക പ്രദക്ഷിണം ചെയ്യുക എന്നൊക്കെ കേട്ടിട്ടുണ്ട്. ഈ ചുറ്റല് ഇതാദ്യമായിട്ടാണ്.ഗതികേടുകൊണ്ട് വട്ടം ചുറ്റി എന്നും അവനെന്നെ വട്ടം ചുറ്റിച്ചുകളഞ്ഞു എന്നും ഒക്കെ കേട്ടിട്ടുണ്ട്. ഇതെന്തു ചുറ്റലാണപ്പാ?. വ്യാഴാഴ്ച ഇശാ നിസ്കാര ത്തിന്നു ശേഷം മിനായിലേക്കു പ്രയാണം തുടങ്ങുമെന്ന വിവരവും നല്കുന്നുണ്ട്. കഅബ പ്രദക്ഷിണം വെക്കുന്ന എന്നോ ഇശാ നമസ്കാരത്തിന്നു ശേഷം എന്നോ ഒക്കെ എഴുതിയാല് ബന്ധപ്പെട്ട കക്ഷികള്ക്ക് മനസ്സിലാവില്ല എന്നു കരുതിയായിരിക്കാം. പാവം "പുഗ്ഗ് ന്നും പറയും പൂ ന്നും പറയും പിന്നെ നമ്പ്യാര് കുട്ടി പറഞ്ഞതും പറയും " എന്ന നിലവാരത്തില് തന്നെയാണ് കക്ഷികള് എന്നു കരുതിയാവം പാവം. ഏതായാലും ബ്രാണ്മണന്റെ പ്രദക്ഷിണവും ശൂദ്രന്റെ വലം വെക്കലും ഇസ്ലാമിന്റെ ചുറ്റലും ദൈവത്തിന്ന്മനസ്സിലാകും എന്നു സമാധാനിക്കാം.
മാധ്യമങ്ങള് വാര്ത്തകള് സൃഷ്ടിക്കുമ്പോള് അതിലേക്ക് അനുയോജ്യങ്ങളായ പദങ്ങളും തെരഞ്ഞെടുക്കുന്നു.